Drejtoria Rajonale e Policisë në Gjilan, ka marr veprimet e nevojshme policore dhe ka arritur të identifikojë vozitësin, i cili me automjetin e udhëtarëve, shkaktoi kundërvajtje në komunikacion, tejkalim në vijë të plotë në rrugën magjistrale Prishtinë-Gjilan në fshatin Bresalc , komuna Gjilan.
Zëdhënësi i Policisë së Kosovës, Ismet Hashani tha se kjo informatë me foto është pranuar falë bashkëpunimit me qytetarë.
Ai shtoi se Policia, e ftoi drejtuesin e mjetit, në Njësinë Rajonale të Komunikacionit Rrugor në Gjilan dhe ai është njohur për kundërvajtjen e shkaktuar dhe për këtë mori gjobë, sipas ligjit 05L/088 të komunikacionit rrugor.
“Me këtë rast, Drejtoria Rajonale e Policisë në Gjilan, inkurajon mediat dhe qytetarët, si në këtë rast dhe fton që për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 , 038 50807590 .
Të dhënat e juaja do të ruhen në konfidencialitetin e plotë”, ka thënë zëdhënësi Hashani. /2LONLINE/.
