Rrjeti gjerman publik me pika për karikimin e automjeteve elektrike është rritur ndjeshëm në tre muajt e parë të vitit.
“Rrjetit i janë shtuar 1300 pika karikimi deri në fund të marsit, duke e çuar numrin total në 17 400”, njoftoi në Berlin shoqata gjermane e industrisë së ujit dhe energjisë, BDEW.
“Gjermania synon të rrisë numrin e automjeteve elektrike për të zbutur ndryshimin klimatik, por numri total i këtyre makinave të shitura në vitin 2018 ishte 83 000”, sipas Zyrës Federale për Mjete Motorike (KBA).
Zhvillimi i rrjetit me pika mbushese shihet si thelbësor për të rritur numrin e automjeteve elektrike në rrugët e Gjermanisë.
