Policia e Kosovës ka njoftuar se gjatë 24 orëve të fundit në vendin tonë kanë ndodhur gjithsej 50 aksidente trafiku, prej tyre 1 me fatalitet, 25 janë me të lënduar, ndërsa 24 me dëme materiale, pa të lënduar, transmeton 2LONLINE.com.
Po ashtu, sipas policisë, janë shqiptuar gjithsej 1 mijë e 704 tiketa gjobitëse për drejtues automjetesh, për shkelje të rregullave në komunikacion.
Gjatë kësaj periudhe kohore, nga policia janë arrestuar 41 persona, 31 prej të cilëve janë dërguar në mbajtje dhe 2 në vuajtje të dënimit. /2LONLINE.com/
AKSIDENT TRAFIKU ME FATALITET
Çikatove e vjetër, Gllogoc, 27.08.2020-21:15. Është arrestuar i dyshuari mashkull kosovar pasi që i njëjti derisa ishte duke drejtuar veturën ka shkaktuar vet-aksident. Si pasojë e aksidentit një pasagjer mashkull kosovar ka ndërruar jete në vendin e ngjarjes ndërsa dy te tjerë kanë pësuar lëndime trupore. Me vendim te prokurorit trupi i pa jetë i viktimës dërgohet në IML për obduksion ndërsa i dyshuari dërgohet në mbajtje.
