“Me kënaqësi të madhe njoftojmë tifozët tanë, komunitetin sportiv dhe të gjithë dashamirët e futbollit se Genc Sermaxhaj i është bashkuar klubit tonë si kryetrajner”, njofton Klubi i Futbollit Kika.
Në njofitm tutje thuhet se Genc Sermaxhaj, një emër i njohur dhe i respektuar në futbollin kosovar, sjell me vete përvojë dhe profesionalizëm të jashtëzakonshëm.
Ai ka ndërtuar një reputacion të shkëlqyer falë angazhimit të tij të palodhshëm dhe rezultateve të arritura në karrierën e tij si trajner dhe futbollist.
Sipas drejtuesve të klubit, bashkimi i tij me KF Kika është një hap i rëndësishëm drejt forcimit të ekipit dhe arritjes së objektivave për të qenë konkurrues dhe për të sjellë suksese të reja për klubin dhe tifozët tanë.
“I urojmë trajnerit Sermaxhaj mirëseardhje dhe shumë suksese në drejtimin e ekipit tonë”, thuhet në fund të njoftimit të KF Kika. /2LONLINE/
