Futbollisti kosovar, Fidan Aliti po shkëlqen në kampionatin suedez, ndërsa fundjavën që shkoi shënoi gol në fitoren ndaj AIK-ut.
Me këtë rast, qendërmbrojtësi kosovar përfundoi në ekipin ideal të kësaj xhiroje në Allsvenskan. Aliti po shkëlqen në fanellën e Kalmarit, ku është bërë pjesë e rregullt dhe e rëndësishme e ekipit suedez.
Qendërmbrojtësi kosovar bëri lojë mjaft pozitive edhe në duelin e fundit, në fitoren 2:1 të Kalmarit ndaj AIK-ut.
Përpos stabilitetit në mbrojtje, Aliti arriti të shënonte edhe gol në minutën e 44-t, në ndeshjen e vlefshme për xhiron e 20-të.
