Drejtoria Rajonale e Policisë Gjilan, njësiti i sektorit dhe njësiti për komunitet të Stacionit Policor Gjilan, në bashkëpunim me grupin ‘’Positiv Fighters’’ nga OJQ ‘’Pen’’, e përbërë nga nxënës të shkollës së mesme të gjimnazit të shkencave natyrore, nën mbështetje të komunës së Gjilanit, UNICEF-it dhe bashkëpunimit me ambasadën Suedeze në Kosovë, sot në disa pjesë të qytetit të Gjilanit kanë realizuar një aktivitet sensibilizues për qytetarë rreth rëndësisë së përdorimit të mjeteve të transportit me emetim minimal të gasit dhe ruajtjen e ambientit.
Automjetet edhe pse shumë të nevojshme, kanë një ndikim të madh në ndotjen e ambientit.
Është koha të ndërgjegjësohemi dhe marrim masa për të minimizuar ndikimin negativ të automjeteve në mjedis.
Ndotja nga emetimi i gazrave dhe tymit është një nga problemet kryesore që vjen nga përdorimi i automjeteve.
Ndotja e ajrit ka pasoja serioze për shëndetin tonë dhe për ekosistemet që na rrethojnë. Përveç ndotjes së ajrit, rrjedhjet e ujërave të ndotura nga automjetet mund të dëmtojnë burimet ujore dhe ekosistemet e ujërave të ëmbla.
Andaj përdorimi i mjeteve të transportit të përshtatshme, si biçikleta, ose përdorimi i mjeteve elektrike, mund të jetë një zgjidhje efikase për të zvogëluar ndotjen e ujërave.
Përmes sensibilizimit dhe marrjes së masave individuale dhe kolektive, mund të ndihmojmë në krijimin e një mjedisi më të pastër dhe të qëndrueshëm për ne dhe brezat e ardhshëm. /2LONLINE/
