Në kuadër të partneritetit që ka Forca e Sigurisë së Kosovës (FSK) me Gardën Kombëtare (GK) të Ajovas së Shteteve të Bashkuara të Amerikës (ShBA) si dhe mbi bazën e udhëzimeve të Komandantit të FSK-së, Gjenerallejtënant Bashkim Jashari dhe General Major Steve Osborn, Adjutant General, një delegacion nga shtabi i GK të Ajovas ka qëndruar në vizitë një javore në FSK, duke zhvilluar vizita e takime të përbashkëta me shtabin e FSK-së, për të parë nga afër zhvillimin dhe të arriturat që ka bërë FSK-ja, në ngritjen e aftësive dhe kapaciteteve ushtarake.
Delegacioni i lartë nga Ajova kryesuar nga zëvendëskomandanti i Gardës Kombëtare të Ajovës, Gjeneral brigade McClintock dhe Shefja e Shtabit të Gardës Kombëtare Ajrore të Ajovës, Gjeneral brigade Stephanie Samenus, gjate kësaj vizite kanë realizuar takime në Ministrin e Mbrojtjes, ku është pritur nga Ministri i Mbrojtës z. Ejup Maqedonci dhe nga Komandanti i Forcës së Sigurisë së Kosovës, Gjenerallejtënant Bashkim Jashari. Delegacioni ka vazhduar më vizitën në Shtabin e Përgjithshëm, Akademinë e Mbrojtjes, Njësinë e Kibernetikës, Komunikimit si dhe vizitën në Komandën e Forcave Tokësorë.
Gjatë vizitës delegacioni i Ajoves është informuar mbi procesin e planifikimit të trajnimeve, operacioneve, rekrutimit dhe mbajtjes së personelit si dhe konceptin e mbështetjes logjistike. Po ashtu delegacioni është informuar edhe mbi procesin e ekzekutimit të planit 3 vjeçare të bashkëpunimit më Ajovën në fushën e manovrës, zhvillimit të nënoficerëve (NOF), qëndrueshmërisë, kibernetikës dhe mjekësisë.
Kjo vizitë konfirmon bashkëpunimin e ngushte me Shtetet e Bashkuara të Amerikës si partner strategjik, si përkrahësi kryesor në ngritjen e aftësive dhe kapaciteteve të FSK-së. /2LONLINE/
