Togeri Ismet Hashani, zëdhënësi rajonal i Policisë së Kosovës (PK) në Gjilan, i tha Portalit të Lajmeve Lokale “2lonline’, se ndër mysafirët që kanë vizituar policinë dhe janë njohur më për së afërmi me punën e pjesëtarëve të Policisë kanë qenë edhe filloristët e që vizita të tilla përherë mirëpriten nga policia dhe vlerësohen takime të këndshme.
Hashani tha se Komanda Rajonale është vizituar nga dhjetëra nxënës të shkollës fillore “Musa Zajmi” në Gjilan si dhe një numër i konsiderueshëm filloristësh edhe të shkollës fillore “Thimi Mitko”.
“Ata janë pritur nga oficer të lartë të policisë dhe atyre u është treguar se policia gjithmonë do të jetë për krah tyre, po ashtu nxënësit janë njoftuar më për së afërmi me punët që kryhen nga policët gjatë një ndërrimi ditor”, ka thënë Hashani. /2lonline/
