Kampioni i Kosovës, Feronikeli zhvillon sonte ndeshjen e kthimit ndaj skuadrës The New Saints në stadiumin “Fadil Vokrri” në Prishtinë, duke filluar nga ora 20:45.
Skuadra e cila e kalon këtë fazë do të përballet me ekipin Copenhagen në xhiron e dytë, ndërkohë që ekipi që eliminohet do ta vazhdojë ëndrrën evropiane në Ligën e Evropës, derisa do të përballet me fituesin e duelit Slovan Bratislava – Sutjeska.
Skuadra ka arritur që të barazojë në ndeshjen e parë të zhvilluar në Uells, me rezultat 2:2. Ata shpresojnë se do të dalin fitues nga ky takim edhe pse drenicasve iu konvenojnë edhe barazimet 0:0 dhe 1:1.
