Ish-sulmuesi i Madridit dhe Barcelonës, Samuel Eto’o, në një intervistë për BBC ka dhënë një mesazh sulmuesit të Liverpoolit, Mohamed Salah.
Ai e ka këshilluar egjiptianin që një ditë të shkojë në Barça, por jo te Reali.
“Ka gjithçka për t’u bërë më i miri në botë. Nëse i jepet mundësia që të luajë në ligën më të mirë në botë, në Spanjë, duhet të nënshkruajë për Barcelonën”, u shpreh Eto’o.
“Real Madridi ma ka dhënë mundësinë për t’u largua nga Afrika, por e njoh stilin e Barcelonës dhe mendoj se do të ishte më mirë për të”.
Salah u transferua në Liverpool në vitin 2017 dhe për dy sezone, ai ka shënuar 71 gola në 104 paraqitje në të gjitha garat.
