Këtë fundjavë zhvillohen garat edhe në Ligën e Parë të futbollit në Kosovë. Dy ndeshje do të zhvillohen ditën e shtune, kurse gjashtë tjera do të zhvillohen të dielën.
Krahas ndeshjeve të Superligës, tashmë janë bërë edhe delegimet për ndeshjet e Ligës së Parë.
Shpëtim Murtezi do ta gjykojë njërën ndër ndeshjet kryesore të kësaj xhiro ndërmjet Trepçës dhe Onix Banja. Murtezi do të asistohet nga Hekuran Osmani dhe Liridon Selmani.
