Dita Ndërkombëtare e Vullnetarizmit shënohet më 5 dhjetor. Dita Ndërkombëtare e Vullnetarizmit është ditë e caktuar nga Asambleja e Përgjithshme OKB-së në vitin 1985 dhe u dedikohet të gjithë atyre vullnetarëve të shumtë anembanë botës, të cilët sakrifikojnë interesat e tyre personale, në interes të shoqërisë dhe komunitetit.
Zyra e Vullnetarëve të Kombeve të Bashkuara (UNV) dhe UNICEF do të shënojnë këtë ditë me moton “Të bëjmë punë vullnetare për një ardhmëri gjithëpërfshirëse”.
Pjesëmarrësit e këtij aktiviteti, që mbahet në Kosovë do të kenë mundësinë të bashkëveprojnë përmes aktiviteteve interesante, të shkëmbejnë histori kuptimplotë dhe të njohin vlerën e diversitetit në shoqërinë tonë.
