Autoritetet policore kanë bërë me dije se në Viti, janë arrestuar tre të dyshuar, meshkuj kosovarë, pasi që gjatë kontrollit në veturën të cilën e drejtonte i dyshuari janë gjetur dhe janë konfiskuar 2.1 gramë substancë e dyshuar narkotike e llojit heroinë.
“Lidhur me rastin me urdhër të gjyqtarit të procedurës paraprake, është bastisur shtëpia dhe lokalet përcjellëse pronë e njërit prej të dyshuarve me këtë rast janë gjetur dhe janë konfiskuar: 34 gramë substancë narkotike e llojit heroinë, 2 gramë kokainë, 1.3 gramë marihuanë, dy peshore elektronike për matjen e narkotikeve, një revole me një karikator pa fishekë, një thikë, dy telefona dhe një tablet”, thuhet në raportin e policisë.
Me vendim të prokurorit pas intervistimit tre të dyshuarit janë dërguar në mbajtje.
