Qendra më e re e fitnesit në qytet po vjen. Qendra “TIFIT” do të hapet më 1 tetor në Gjilan dhe do të jetë mundësia më e mirë për ushtrimet tuaja fizike. “TIFIT” Group vjen me shërbimet më të reja dhe atraktive nën udhëheqjen e trajneres Së fitnesit, Doruntina Arifi.
Ajo bëri të ditur se kjo qendër hapet ekskluzivisht për klientët femra dhe do të ofrojë llojllojshmëri të aktiviteteve , si fitness, yoga, kangoo jumps, boot camp, kikbox dhe personal trainer.
“Një lokal prej 300 metrash katrorë, me hapësira të veçanta vepruese, pajisje unike dhe programe të avancuara të trajnimit, gërshetuar me programe të ushqyeshmërisë së shëndetshme, garantojnë sukses të pashmangshëm në trupit tuaj”, ka thënë Arifi për 2LONLINE.com.
Sipas saj, shërbimet në këtë qendër do të ofrohen individualisht dhe në grupe, për të gjitha moshat dhe çdo ditë pune, përveç të dielave.
Arifi prej disa vitesh ushtron profesionin e trajnerës fillimisht si bashkëpunëtore në qendrat më të mëdha të fitnesit në vend, ndërsa tashmë ka zgjeruar aktivitetin e saj me kompaninë“TIFIT” Group.
“ Ëndrra ime kishte nisur pikërisht në Gjilan, aty ku edhe kam përfunduar shkollën fillore dhe të mesme, ndërsa tashmë po kthehem për të investuar dhe hapur qendrën e fitnesit për të dhënë kontributin dhe profesionalizmin e fituar në fushën e edukimit fizik, fitnesit dhe stilit të shëndetshëm të jetës. Uroj që klientet e mia dhe secili që bëhet pjesë e TIFIT të mbetet i kënaqur dhe të arrijë rezultatet e dëshiruara”, thotë Arifi, e cila ka përfunduar Fakultetin dhe Masterin në Edukim Fizik dhe Sport, ndërsa është në përfundim të masterit të dytë në këtë fushë.
Përndryshe, trajnerja, Doruntina Arifi në bashkëpunim me trajnere të tjera ndihmëse do të ofrojë shërbime me programe të veçanta trajnimi për të gjitha kategoritë, fëmijët, për ato që dëshirojnë të humbasin peshë, formësojnë trupin, apo edhe të shtojnë në peshë.
“TIFIT” Group vepron në shtatë qendra në tërë Kosovën: Prishtinë, Prizren, Lipjan, Ferizaj, Pejë dhe tashmë së shpejti edhe në Gjilan.
Qendrën më të re “TIFIT” do të mund ta gjeni në hapësirat e kompleksit Ceni Compani në Gjilan.
