Kështu, drejtor i shkollës fillore “Thimi Mitko” është zgjedhur Nexhat Sermaxhaj, në shkollën fillore “Afërdita” në Kishnapole – Jakup Ibrahimi, në shkollën fillore “Vatra e Diturisë” në Livoç të Epërm – Fadil Musliu, në shkollën “Agim Ramadani” në Zhegër – Sami Kadriu, në shkollën e re në lagjen “Zabeli i Sahit Agës” në qytet – Fatmir Shabani.
Drejtorë të rinj janë zgjedhur edhe në tri shkolla të mesme. Në shkollën e mjekësisë “Dr Asllan Elezi” – Rrahim Azemi, në shkollën e bujqësisë “Arbëria” – Emrush Qamili dhe në shkollën ekonomike – Xhevat Kastrati.
Drejtori i arsimit komunal, Bujar Nevzati ka kërkuar nga drejtorët e rinj shumë punë e përkushtim në shkollat që do t`i udhëheqin, Ai ka premtuar se deri në shtator, do të zgjidhen edhe 13 drejtorë dhe zëvendësdrejtorë në shkollat tjera, për të cilat do të shpallet konkursi menjëherë.
Ndërsa, në emër të drejtorëve të rinj, është falënderuar Emrush Qamili, i cili ka thënë se bashkërisht do të arrijmë suksese në arsim.
Ndryshe, drejtori komunal i arsimit ka thënë se drejtoria në fjalë, i ka filluar menjëherë përgatitjet për vitin e ri shkollor, pasi një ekip i saj ka vizituar të gjitha shkollat e komunës dhe ka identifikuar nevojat e tyre./2lonline/
