Zëvendëskryetari i komunës së Vitisë, Hasan Aliu, ka pritur në takim përfaqësuesit e Institutit Edutask, Diana Lekaj drejtoresh, Arben Qirezi ekspert-përgjegjës për vlerësimin e nevojave të komunitetit dhe Diellza Zejnullahu koordinatore e projektit.
Qëllimi i këtij takimi ishte ndërtimi i urave të bashkëpunimit ndërmjet komuniteteve që jetojnë në komunën e Vitisë.
Ky takim është realizuar në kuadër të projektit tre vjeçar “E ardhmja Kohesive-Cohesive Futures”, i cili zbatohet nga konsorciumi me tri OJQ, Syri i Vizionit, Instituti Edutask dhe Ngo Aktiv.
Ndryshe, ky projekt financohet nga GCERF (Global Community Engagement and Resilience Found). Projekti “E ardhmja kohesive”, ka për qëllim zhvillimin e komuniteteve të forta ndaj shtytësve të ekstremizmit dhe radikalizmit, duke promovuar kohezion social dhe duke ofruar mundësi për edukim dhe punësim në shtatë komuna të Kosovës. /2LONLINE/
