Në Universitetin e Novi Sadit, u mbajt takimi i radhës i menaxhmentit të projektit WEBJOU, ku morën pjesë Prorektori për Bashkëpunim Ndërkombëtar dhe Projekte Prof. Asoc. Dr. Dukagjin Leka dhe Prof. Ass. Dr. Selim Daku nga Universiteti Publik “Kadri Zeka”, Gjilan.
Ky takim shënon një hap të rëndësishëm në zhvillimin dhe implementimin e projektit, i cili synon të përmirësojë cilësinë e arsimit dhe bashkëpunimit ndëruniversitar në rajon.
Gjatë takimit, pjesëmarrësit u përqendruan në disa tema kyçe që përfshijnë ecurinë e Projektit, u shqyrtua progresi i përgjithshëm i projektit deri më tani, duke përfshirë sfidat dhe arritjet kryesore, pakot e veçanta, ku u diskutua për ecurinë e paketave specifike të projektit, duke identifikuar sukseset dhe fushat që kërkojnë përmirësim të mëtejshëm, u prezantuan raportet e vlerësimit të projektit, duke përfshirë matjet e produktivitetit dhe efektivitetit të aktiviteteve të deritanishme, u shqyrtua ndikimi i projektit në komunitetin akademik dhe jashtë tij, si dhe strategjitë për të rritur dukshmërinë e tij.
Një pjesë e rëndësishme e takimit ishte rishikimi i materialeve të kurseve të pilotuara deri tani. Diskutimet u përqendruan gjithashtu në përgatitjet finale për implementimin e kurseve pilot në Kosovë. U planifikuan aktivitetet paraprake dhe hapat që do të ndërmerren për të siguruar një zbatim të suksesshëm.
Projekti WEBJOU përfshin një konsorcium të larmishëm partnerësh, duke përfshirë universitete dhe institucione nga rajone të ndryshme. Ky bashkëpunim ndërkombëtar sjell përfitime të shumta për të gjithë partnerët e përfshirë, duke ofruar mundësi për shkëmbim të eksperiencave dhe njohurive, si dhe për zhvillim të kapaciteteve institucionale.
Takimi në Universitetin e Novi Sadit përfaqëson një moment të rëndësishëm në rrugëtimin e projektit WEBJOU, duke theksuar angazhimin dhe përkushtimin e të gjithë partnerëve për të arritur objektivat e përbashkëta dhe për të kontribuar në përmirësimin e arsimit të lartë në rajon. /2LONLINE/
