Kryetari i Komunës së Vitisë, Sokol Haliti me përfaqësues të KFOR-it kanë bërë sot homazhe në kompleksin Richard Holbrooke në Viti, për të përkujtuar 24 marsin e vitit 1999 kur edhe kanë filluar sulmet ajrore të NATO-s, kundër caqeve ushtarake e policore serbe.
Kryetari Haliti pas vendosjes së luleve theksoi se sulmet ajrore të NATO-s dhe kontributi i shteteve mike të Kosovës sollën lirinë e këtij vendi dhe për atë ai tha se gjithmonë duhet të jemi falenderues miqve tanë ndërkombëtarë në veçanti ShBA-së.
