Kryetari i komunës së Vitisë, Sokol Haliti bashkë me organizatën “Swisscontact”, sot kanë nënshkruar një memorandum mirëkuptimi për bashkëfinancim të projektit “Krijimi i brendit turistik dhe promovimit të Komunës së Vitisë”
Me këtë projekt të financuar nga qeveria Suedeze, organizata “Swisscontact”, e ka përzgjedhur rajonin e Vitisë si destinacion me rëndësi kulturore dhe historike, dhe me potencial për zhvillimin e turizmit përmes rritjes së fluksit të turistëve.
Më konkretisht, përmes këtij projekti do të krijohet brendi turistik dhe strategjia e promovimit të destinacionit që e identifikon dhe e karakterizon komunën e Vitisë si destinacion konkurrues. /2LONLINE/
