(2L ONLINE) – Rektori I Universitetit të Nigdes së Turqisë, Adnan Gorur, ka qëndruar në Universitetin “Kadri Zeka” në Gjilan ku është pritur nga menaxhmeti i këtij Institucioni. Njëherësh rektori Gurur ka takuar studentët e Universitetit tonë me qëllim që ti informoj ata për mundësinë e studimit të lartë, nivelin Master dhe PhD në Universitetin e Nigdes.
Rektori Adnan Gorur, duke folur rreth Universitetit të Nigdes ka thënë se në përbërje të tij gjenden 7 Fakultete, 3 institute, 3 shkolla te larta, 6 Shkolla profesionale te larta. Ai ka ftuar studentët që të aplikojnë për studime të larta në Universitetin e Nigdes, duke ju ofruar kështu mundësin për studime falas. Siç ka thënë rektori Gorur Universiteti Nigde, si anëtar i edukimit ndërkombëtare dhe programeve të këmbimit të studentëve, për ata që nuk e njohin gjuhën turke, për një vit organizon kurse të mësimit të gjuhës pa pagese.
Universiteti Nigdes, ka në dispozicion edhe strehimin (konvikte). Aplikimet për studentët me shtetësi te huaj, kryhen nëpërmjet internetit. Rektori i Universitetit të Nigdes së Turqisë, Adnan Gorur ka sugjeruar studentët që për më shumë informata, të kërkojnë në adresën e Universitetit www.nigde.edu. 2L ONLINE/
