(2L ONLINE) – Sonte, e premte ne ora 19:00 ne Teatrin e Qytetit – Gjilan, jepet repriza e pare e shfaqjes “UFO-t” e autorit Bashkim Hoxha, në regji të Erson Zymberit. Shfaqja ishte fituese e dy çmimeve kryesore të Festivalit të Dramës Shqipe që u mbajt në kuadër të manifestimit “Talia e Flakës 2015”.
Shfaqja “UFO-t”, pos që është vlerësuar si shfaqja më e mirë e këtij festivali, po nga kjo shfaqje është shpërblyer edhe aktorja Mejreme Berisha, me çmimin aktorja më e mirë e festivalit.
Përndryshe, në UFO, Interpretojnë: Kushtrim Qerimi, Mejreme Berisha, Ernest Zymberi, Safete Mustafa-Baftiu, Njomëza Kalaveshi, Muharrem Sylejmani e Bashkim Nexhipi, ndihmuar edhe nga një grup nxënësish të Shkollës së Muzikës të Gjilanit. /2L ONLINE/
