Liverpooli u mposht me rezultat të thellë 0:3 në “Camp Nou” edhe pse bëri paraqitje të mirë, derisa për trajnerin gjerman nuk kanë munguar kritikat pas humbjes së skuadrës së tij.
Tifozët e Liverpoolit kanë reaguar pas vendimit të trajnerit Jurgen Klopp për ta futur në lojë Divock Origi para Xherdan Shaqirit ndaj Barcelonës në Ligën e Kampionëve. Ata nuk mund të besojnë që trajneri Jurgen Klopp vendosi ta fuste në fushë Divock Origin para Xherdan Shaqirit
Origi u fut në lojë kur Liverpooli ishte duke humbur 0:3 dhe nuk ia doli të vërehej shumë në fushë.
Origi ka qenë rregullisht në bankinë këtë sezon, ndërsa Klopp ia ka dhënë atij disa herë rastin për ta gjetur veten në “Anfield Road”.
Ai i ka shënuar tre gola këtë sezon, por tifozët e gjigantit anglez mendojnë se Klopp duhet ta përdorë më shumë shkathtësinë e Shaqirit.
