‘”Kemi pasur nderin të mirëpresim Aulas Ramizin, një nga ekspertët më të spikatur dhe ndër më të suksesshëm të teknologjisë në Evropë, me titullin prestigjioz CCIE, në një takim të veçantë me studentët tanë në InfoTech Academy, Gjilan”, ka bërë me dije, Burim Sherifi, CEO i Infotech Academy, transmeton 2LONLINE.com.
Ai bëri me dije se gjatë vizitës, Aulasi ndau rrugëtimin e tij të jashtëzakonshëm, duke ofruar këshilla dhe frymëzim për të gjithë të pranishmit. Ai theksoi rëndësinë e përkushtimit, punës së palodhur dhe vizionit të qartë si formula drejt suksesit në industrinë e teknologjisë.
“Aulassi gjithashtu shprehu gatishmërinë e tij për ta shpërndarë eksperiencën e tij me studentët tanë, ku së shpejti do e organizojmë trajnimin e praktikës se punës të cilin do ta udhëheq pikrisht Aulassi”, thotë Sherifi.
Për të shprehur mirënjohjen për kontributin e tij, Sherifi tha se e nderuan me një mirënjohje të veçantë, duke vlerësuar frymëzimin e tij si inspirim i jashtëzakonshëm.
“Faleminderit Aulas, për motivimin dhe shembullin e paharrueshëm që dhurove për studentët tanë! Historia dhe suksesi yt do të mbeten një burim frymëzimi për brezat e rinj që synojnë të arrijnë majat në teknologji”, ka thënë Burim Sherifi, CEO i Infotech Academy. /2LONLINE/
