Java e pestë nis sot me tri super përballje, ndërsa sfidohen skuadrat e kreut të tabelës, respektivisht dy klubet gjilanase, Drita dhe Gjilani.
Vëmendja kryesore është në Podujevë, ku Llapi e pret Dritën. Ndeshja nis në ora (16:00) në stadiumin “Zahir Pajaziti” dhe vlerësohet derbi i xhiros së pestë.
Ndeshje tjetër po aq e rëndësishme zhvillohet në Stadiumin e Qytetit në Gjilan, ku SC Gjilani pret Ballkanin.
Edhe kjo ndeshje fillon nga ora 16:00.
