Për nderë të 20-vjetorit të çlirimit të Gjilanit dhe 70-vjetorit të martirizimit të Mulla Idriz Gjilanit, më 15 qershor në Gjilan organizohet Simpoziumi Shkencor kushtuar jetës dhe veprës së Mulla Idriz Gjilanit.
Ky eveniment organizohet nga Këshilli i Bashkësisë Islame në Gjilan dhe Lidhja e Historianëve të Kosovës “Ali Hadri” dega në Gjilan, në kuadër të manifestimeve për 20-vjetorin e çlirimit të Gjilanit dhe të Kosovës.
Me kumtesat e tyre do të paraqiten 20 historianë nga e gjithë hapësira gjeografike shqiptare.
Simpoziumi shkencor do të mbahet më 15 qershor 2019, e shtunë, Ora: 10:30 hapja e simpoziumit. Vendi i mbajtjes: Teatri i Qytetit.
