Komuna e Vitisë dhe organizata IKC kanë shënuar –Ditën e Patates.
Komuna e Vitisë, konkretisht Drejtoria për Bujqësi, Pylltari dhe Zhvillim Rural edhe këtë vit ka shënuar “Ditën e Patates” në bashkëpunim me organizatën IKC.
Kësaj radhe kjo ditë është shënuar në qytetin e Vitisë, konkretisht tek shtëpizat e drurit, ku edhe shumë kultivues të patates bëjnë shitjen e këtij produkti bujqësorë.
Gjatë këtij takimi u bë me dije se me shënimin e kësaj dite synohet të promovohen kultivuesit e patates të kësaj komune, në veçanti të fshatit Debelldeh të cilët janë kultivues të njohur të patates cilësore.
Lidhur me rëndësinë e shënimit të kësaj dite kanë folur zv. Kryetar i Komunës së Vitisë, Hasan Aliu, Drejtoresha për Bujqësi, Pylltari dhe Zhvillim Rural, Arlinda Sahiti si dhe përfaqësuesi i organizatën IKC, Ekrem Bajrami. /2LONLINE.com/
