Në shkollën e mesme Gjimnazi Natyror “Xhavit Ahmeti” në Gjilan, udhëhequr nga zyrtarët e policisë së Kosovës njësia për komunitet, stacioni policor në Gjilan, është mbajtur sesion informues për nxënës rreth punës që bënë policia
Zyrtarë policor të prirë nga rreshter Sadete Sadiku kanë folur për rolindhe detyrat e Policisë në Drejtorinë Rajonale në Gjilan, të arriturat dhe kriteret që duhet plotësuar për të qenë pjesëtarë i Policisë së Kosovës.
Në këtë sesion kanë marrë pjesë nxënës pjesëtarë të “Klubit të karrierës” të kësaj shkolle.
Nxënësit ishin shumë të interesuar të dinin rreth punës se policisë, të arriturave dhe sfidat me të cilat një zyrtarë policor ballafaqohet gjatë kryerjes se detyrës zyrtare.
Poashtu ata u ndanë të kënaqur edhe me përgjigjet që morën nga zyrtarët e policisë, gjegjësisht nga njësia për komunitet në stacionin policor në Gjilan.
Policia e Kosovës është e përkushtuar për ambient të qetë dhe prosperua për të gjithë u tha në këtë takim. /2LONLINE.com/
