Shkruan: Refik Hasani
Serbia, që nga janari 2025, do të rifillojë me shërbimin e detyrueshëm ushtarak, dhe më datën 18 të këtij muaji, një i ri student, nga Presheva ka pranuar ftesën për rekrutim.
Vazhdimi i shpërndarjes së ftesave për rekrutim, për të rinjtë nga Presheva, Medvegja dhe Bujanoci, është shqetësuese duke e parë këtë si një përpjekje për presion. Do të detyrohen në shpërnguljen masive të rinjtë shqiptarë për t’i shpëtuar shërbimit ushtarak.
Rinia shqiptare, e tri komunave, sapo të mbushin 18 vjeç, përveç që përjeton diskriminimi përmes pastrimit etnik-pasivizimit, pasi ekziston diskriminimi në përdorimin e gjuhës shqipe, të simbolit kombëtar, në investime e përfaqësime.
Mungon perspektiva, nuk pranohen diplomat nga Republika e Kosovës, mungon Universiteti në gjuhën Shqipe, dhe tani edhe shërbimi ushtarak i detyrueshëm, është një arsye tjetër për t’u shpërngulur, pasi i pret ftesa për rekrutim.
Si ka mundësi kur nuk ka përfaqësim, mungon përfaqësimi proporcional në zinxhrin komandues të Policisë, si ka mundësi tani të pranojnë dhe të shërbejnë në një ushtri që nuk i përfaqëson ata, ku nuk ka oficer shqiptarë të kësaj ushtrie në një shtet që vazhdimisht i diskriminon.
Rinia shqiptare nga Presheva, Medvegja dhe Bujanoci, ku hasin në grafite antishqiptare, në media të Serbisë ku flitet e shkruhet në kuptimin e urrejtjes, por edhe në asimilim e pastrim etnik.
Në çfarëdo proteste që mbahen në Serbi, përmendemi në kuptimin e një urrejtje, si të pajtohen në këtë frym që po kultivohet në Serbi të shërbejnë në një ushtri shqiptarët, kështu do të detyrohen të largohen për të mos shërbyer në një ushtri që nuk i përfaqëson ata, në një shtet që vazhdimisht ka një tretman që kaherë ka kaluar kufijtë e diskriminimit.
Të rinjtë nga Presheva, Medvegja dhe Bujanoci, si mundë të jenë pjesë e një shërbimi të detyrueshëm ushtarak të Serbisë, ku i njëjti shtet përkundër mbajtjes dhe organizimit të Referendumit të datës 1 e 2 mars 1992, por edhe pas përfundimit të luftës së UÇPMB-ës dhe Marrëveshjes së Konçulit, asnjë marrëveshje në mbrojtje të vullnetit plebishitar të kësaj Krahine shumicë nuk është duke u zbatuar.
Serbia, përmes rikthimit të shërbimit të detyrueshëm ushtarak, dëshiron të krijoj pakënaqësi, jo vetëm tek ne shqiptarët por edhe tek hungarezët, bullgarët, boshnjakët, rumunët dhe gjithë pakicat e tjera. /2LONLINE/
