Në një reagim të LDK-së së Gjilanit thuhet se “tentimi i mjerë për blerje të votës përmes shpërndarjes së ndihmave në fushatë zgjedhore është pamja më e shëmtuar e ekzekutivit të Gjilanit”.
Në reagimin e LDK-së thuhet: Dje u shpërndanë pako ushqimore e higjienike nga Komuna e Gjilani për 500 për familje në nevojë dhe ky nuk është donacion nga ndonjë organizatë, por janë mjete të taksapaguesve, të cilat po keqpërdoren nga ekzekutivi i VV-së për fushatë.
E keqja më e madhe është se këto mjete janë zotuar në dhjetor, por tek tani e panë të rrugës të shpërndahen. Kjo flet shumë për logjikën e shëmtuar të pushtetit aktual dhe për mënyrën se si këta i trajtojnë qytetarët tanë.
“Por, kot e keni. Këto do të mbesin vetëm tentime sepse gjilanasit tashmë ia kanë konfirmuar LDK-së besimin dhe mbështetjen në formë plebishitare më 9 shkurt, të cilët i falënderojmë deri në përulje”, thuhet në fund të reagimit të Degës së LDK-së në Gjilan. /2LONLINE/
