Ditën e hënën dhe të martë Qendrën e Karrierës në Gjilan e vizituan nxënësit e klasëve të 9-ta nga shkolla Fillore “Abaz Ajeti”, në përcjellje të kujdestarëve të klasave: Valbona Ramadani, Zejnepe Mustafa, Irfan Arifi, Imrane Thaqi, Salih Rrustemi.
Nxënësit gjatë vizitës në Qendrën e Karrierës u njoftuan nga afër me rrjedhat, përfitimet dhe mundësitë që ofron Qendra e Karrierës në orientimin e tyre jetësor dhe profesional në të ardhmen.
Këshilltaret e Qendrës po ashtu i njoftuan nxënësit dhe mësueset e ShF Abaz Ajeti për rëndësinë që kanë Qendrat e Karrierës në Shkollat Profesionale duke ju bërë me dije misionin dhe qëllimin primar dhe të vetëm që kanë, të mbështesin nxënësit në përmisimin e shkathtësive për menaxhim të karrierës, ndërlidhjen me tregun e punës, shkëmbimin e informacioneve të karrierës, edukimin dhe trajnimin, si dhe rrjetëzimin me palët e interesit.
Këshilltaret e QK në Gjilan do të mirëpresin të gjithë nxënësit e shkollave qofshin ato fillore apo edhe të mesme.
Ne do të ju ofrojmë asistencë në përzgjedhjen e tyre në karrierë!
Qendra e Karrierës – Gjilan
