Komuna e Kamenicës përkatësisht Qendra Kryesore e Mjekëisë Familjare, tani do ta ketë në dispozicion edhe mamografin, i cili do të ndihmojë në zbulimin e hershëm të kancerit të gjirit.
Kryetari i Komunës së Kamenicës, Kadri Rahimaj, ka falënderuar Ambasadën Japoneze në Kosovë, Fondacionin Jahjaga dhe Ministrinë e Shëndetësisë, të cilët kontribuan që QKMF ta posedojë këtë pajisje.
“Një super lajm, Kamenica do të ketë mamograf.
Qendra Kryesore e Mjekësisë Familjare në Kamenicë, në dispozicion do ta ketë edhe mamografin, që do të ndihmojë në zbulimin e kancerit të gjirit në fazat e hershme, gjë që bënë më të lehtë trajtimin dhe shërimin e plotë.
Kjo pajisje do të jetë në dispozicion për shfrytëzim edhe nga komunat tjera, si Gjilani, Novobërda dhe Ranillugu.
Kjo u bë e mundur falë kontributit të Ambasadës Japoneze në Kosovë, Fondacionit Jahjaga dhe Ministrisë së Shëndetësisë”, ka thënë ai. /2LONLINE/
