/2L ONLINE/ – PDK-ja e Gjilanit përmes një komunikate lëshaur në emër të Komisionit për Arsim, ka potencuar se sigurisht kryetari i Komunbës së Gjilanit Lutfi Haziri-Luta, do të deklarojë sot me ngazëllim, për një fillim të mbarë të vitit të ri shkollor! Vit i mbarë për kryetarin e Gjilanit, sepse ai po vazhdon punësimin e familjarëve nëpër institucionet publike të Kosovës, personi fatlum për gjetjen e një vendi të punës kësaj radhe ishte kunata e tij, e cila më së miri i plotësojë kushtet dhe kriteret e punësimit në mesin e 150 edukatoreve të Gjilanit, që janë duke pritur me vite të tëra për një vend pune.
“Lutfi Haziri e punësoi kunatën e tij në shkollën e Pogragjës, vetëm pas shkarkimit të drejtorit të Arsimit në Gjilan Nazmi Musa, i cili ishte bërë pengesë për punësimet sipas listave të porositura nga kryetari i komunës. Kështu e nis vitin e ri shkollor qeverisja dhe familja e Lutfi Hazirit, me punë të “hajrit”, përderisa qytetarët e Gjilanit i kanë dyert e mbyllura nëpër institucionet publike dhe komunale, ngase Luta dhe klani i tij ende janë duke i punësuar miqët, kunatat, djemt, vëllezërit, kusherinjt, dajallarët, tezakët, e jaranët e jaraneshat e tyre”, thuhet në Komunikatën e PDk-së.
Sipas Komisionit për Arsim t[ Degës së PDK-së në Gjilan, jo vetëm për qytetarët, por edhe për vet kuadrot e LDK-së ka qenë i pamundur punësimi sipas ligjit, sepse deri tani për këto tri vite janë bërë punësime vetëm të familjarëve të kryetarit të komunës, të drejtorëve, “shefave” dhe zyrtarëve të lartë të shtetit si ministrave etj. Nepotizmi në Gjilan është legalizuar dhe institucionalizuar. /2L ONLINE/
