Ka nisur sot zyrtarisht në Komunën e Vitisë, fushata e korrje-shirjeve.
Për të parë nga afër fushatën dhe për tu i interesuar për rendimentet e grurit, kryetari I komunës Sokol Haliti dhe drejtoresha e Drejtorisë për Bujqësi dhe Pylltari, Arlinda Sahiti, kanë vizituar fermerët të cilët kishin filluar sot korrje-shirjen në sipërfaqet e mbjella me grurë në trekëndëshin Viti-Beguncë-Binçë.
Kryetari Haliti gjatë kësaj vizite tha se ky proces i korrje–shirjeve ka filluar mbarë në komunën e Vitisë, ku janë të mbjella me grurë rreth 4.850 hektarë, ndërsa rendimenti pritet të jetë prej 4500 – 5000 kilogram për hektarë.
Ndërsa Fadile Demelezi kryetare e GLV-së “Vitia”, ka thënë se këtë vit pritet një cilësi e mirë e grurit në komunën tonë.
Ajo po ashtu tha se viteve të fundit, interesimi për punimin e tokës nga fermerët vitias, është i madh.
Nga ana tjetër fermerët kanë potencuar se për shkak të reshjeve të shumta dhe lagështirave që kanë qenë këtë vit, krahasuar me vitin e kaluar rendimentet janë më të pakta, por mbjellja e grurit është fitimprurëse. /2LONLINE.com/
