Në Ulqin!
***
Këtu
Pushojnë ëndrrat e vjetra
Lindin të reja
Aromë lulesh verore
Të ngopë nuhatjen
Puhiza që të freskon shtatin
Nën hijen e Fikut
Pas përcëllimës së diellit
Nuk zbehë dëshirën
Për ujin e njelmët
Dhe ranës që përvëlon këmbët
Dhe s’pyet në janë ato të një plaku matuf
Apo të një bukurosheje që parakalon vështrimet lakmiqare
Dhe deri në mbrëmjen e vonë nuk pushojnë
Tok me ecjet drejtë kalasë shekullore
Mu përmes kalldrëmit
Që shoqërohet nga ëmbëltoret
Me akulloren më të mirë në botë!
Kështu mendon të nesërmen
E edhe kur mësynë kthimin
E shikimi dhe mendja të ngelet mbrapa
Në Ulqin
Xhelil ARIFI
