Drejtoresha e Arsimit në Komunën e Vitisë, Fatbardha Emini, e shoqëruar nga bashkëpunëtorët e saj, me rastin e fillimit të procesit mësimor, sot kanë vizituar disa shkolla të kësaj komune.
Ajo ndër tjerash ka vizituar edhe Shkollën Fillore të Mesme të Ulët “Bafti Haxhiu” në Viti, shkollë kjo që gjatë pushimit veror është rivitalizuar. Drejtoresha Emini potencoi se Komuna e Vitisë, mbetet e përkushtuar në ngritjen e cilësisë në arsim duke punuar në përmirësimin e infrastrukturës por edhe duke vazhduar me bashkëpunimin në mes të nxënëseve, prindërve, mësimdhënëseve por edhe me gjithë stafin që punojnë në institucionet shkollore.
Ajo shtoi se viti i ri shkollor ka filluar sot në të gjitha shkollat e kësaj komune duke iu uruar suksese dhe fillim të mbarë të këtij viti shkollor nxënësve dhe mësimdhënësve të kësaj komune.
