Ja orari i autobusëve që do t’i bartin nxënësit

Drejtoria Komunale e Arsimit në Komunën e Kamenicës ka njoftuar për orarin e nisjes së autobusëve për bartjen e nxënësve.

Orari i nisjes së autobusëve

Mësimi në shkollën Fan S. Noli do të mbahet në dy ndërrime. Klasët 0-5 do të zhvillojnë mësimin në ndërrimin e paradites që fillon në ora 08:00. Ndërsa, mësimi për klasët 6-9 do të mbahet në ndërrimin e pasdites dhe do të fillojë në ora 12:10.

Nisja me autobus nga Busavata për nxënësit e klasëve 0-5 do të bëhet në ora 07:30, ndërsa nisja me autobus po ashtu nga Busavata për klasët 6-9 do të bëhet në ora 11:40

Mësimi në shkollën “Dëshmorët e Kombit” fillon në ora 09:30 dhe do të zhvillohet vetëm një ndërrim mësimor. Nisja e nxënësve nga fshati Tugjec do të bëhet në ora 09:00. Gjithashtu, nisja e nxënësve nga fshati Krilevë do të bëhet në ora 09:00, ndërsa nga fshati Strezoc, nisja do të bëhet nga ora 09:10.

Pritja e autobusëve bëhet në shkollat e fshatit!