Gjatë vizitës në Klinikën e Biokimisë Mjekësore, ushtruesja e detyrës së drejtorit të përgjithshëm të ShSKUK-së, dr. Pranvera Zejnullahu- Raçi, u njoftua se për tetë muaj, në këtë klinikë janë kryer rreth 2 milionë parametra- analiza, për mbi 338 mijë pacientë, njofton Shërbimi Spitalor Klinik dhe Universitar i Kosovës.
Drejtori i kësaj klinike, Shemsi Veseli, bashkë me specialsitët e biokimisë, pasi kanë paraqitur kërkesat për zhvillim të mëtejmë të kësaj klinike, ka njoftuar në lidhje me disa shërbime të reja që do të fillojnë të kryhen në këtë klinikë që kanë të bëjnë me shërbimin e imunologjisë, analiza të hemostazës dhe disa parmetra të tjera për foshnjet e porsalindura dhe shumë të tjera që më parë nuk janë kryer në këtë klinikë.
Në takim u bisedua lidhur me investimet që do të bëhen në apraturë mjekësore dhe mirëmbajtjen e saj, e poashtu furnizimin e rregullt me reagensë, njofton Shërbimi Spitalor Klinik dhe Universitar i Kosovës. /2LONLINE/
