“Fitim Bajrami, drejtor gjeneral i kompanisë prodhuese “Delight”, në bashkëpunim me OJQ “Hesene” (OJQ turke), i kanë dalë në ndihmë bashkëqytetarëve tanë me pako ushqimore. Kjo kompani dhe OJQ, ka mbështetur nevojat dhe kërkesat e familjeve në nevojë, në momentet më të vështira të ballafaqimit me pandeminë”.
Kështu ka bërë me dije, Arbër Ismajli, nënkryetar i komunës së Gjilanit, sipas të cilit puna dhe përkushtimi i kësaj kompanie dhe OJQ-je, na bënë të lumtur dhe krenarë për përfaqësimin e tyre dinjitoz karshi situatës.
“Ne, përgjithmonë do u jemi mirënjohës kontributit të tyre të pashoq, duke konsideruar si të vlefshëm interesin e tyre jetik, në ndërtimin dhe plotësimin e mirëqenies qytetare. Mbështetja kaq e madhe e këtyre donatorëve, padyshim që është vlerë e vetë shtetit tonë, duke u përballur me gatishmërinë e tyre të parezervë, në çdo llojë situate, me qëllim të ndërtimit të një klime të favorshme, në plotësimin e sofrave të familjeve në nevojë”, ka thënë nënkryetari ismajli i cili ëshët shprehur falënderues ndaj Fitim Bajrami me kompaninë “Delight”, dhe OJQ “Hesene”.
