Drejtoria e Bujqësisë, Pylltarisë dhe Zhvillimit Rural në Komunën e Kamenicës, me datë 16/06/2022, pas marrjes së informatave nga disa fermerë që kanë të mbjella sipërfaqe me kulturë të grurit, kanë hasur në paraqitjen e Morrit të Kuq në kallinjtë e grurit.
Drejtori me stafin e Drejtorisë së Bujqësisë kanë dalë në teren dhe kanë vizituar disa ngastra të grurit ku kanë parë për së afërmi gjendjen faktike të kallinjve të grurit, e ku ishte paraqitur insekti i familjes Aphide (morri), transmeton 2LONLINE.com.
Morri është me madhësi 2-4 mm, me ngjyrë të kuqe të tejdukshme.
Fermerët mund të bëjnë trajtimin me ndonjë insekticid sistemik si: Decis, Confidor, Mospilan etj. /2LONLINE/
