Mesuesi Hetë (Hetem Arifi) ka qenë mësuesi jem i parë. E kam njoftë si 7-vjeçar dhe edhe mbas 28 vjete sa jetoi, kam mbajtë kontakte të vazhdueshme me te, ndonëse jo ma frik.
Kam me e kujtue tanë jetën si mësues të mirë, atdhetar të madh, shkrimtar, poet, publicist, actor teatrit…
Përpos këtyne, mësuesi Hetë ka dhanë kontribut të jashtëzakonshëm për manifestimin “Flaka e Janarit”, ndërkaq ka qenë i burgosun politik dhe i ka vuejt 9 vjet burg si i papërshtatshëm për regjimin.
E mbaj n’mend nji fakt interesant: ka qenë i pari njeri që në shkollën “Abaz Ajeti”, në klasën tem, e ka heq foton e Titos në vitin 1991, tuj e zavendesue me atë të Skënderbeut.
Ajo që ma vonë e kam kuptue (mbasi që u rrita), mësuesi Hetë qysh në vitet 90-ta na e kish pasë mësue mendimin kritik.
Kam shumë me shkrue për këtë njeri të jashtëzakonshëm të arsimit shqip, por në këte moment po e kam të vështirë.
Du me e përfundue këtë shkrim të vocërr me nji përkufizim epik të tij për mësuesit dembel:
“Nuk asht kriminel ai që e vret dikend sepse e ka pasë nji arsye. Krimineli ma i madh asht ai mësues që nxjerr shumë kriminela si pasojë e neglizhencës, e dembelisë dhe e mos punës me nxanës”.
Ngushëllime familjes Arifi, nxanësve e kolegëve.
Zoti t’pastë mëshirue arsimtar. Unë jam krenar me ty, qysh janë krenarë nxanësit e tu, Gilani e Anamorava!
/Ibrahim ADEMI/
(Foto e 7 marsit 2016, në ditën kur kryetari Luta e nderoi me mirënjohje për kontributin në shumë fusha)
