Me rastin e 1 Qershorit – Ditës Ndërkombëtare të Fëmijëve Njësia Komunale për të Drejtat e Njeriut në bashkëpunim me Drejtorinë e Arsimit në Kamenicë, organizuan Mbledhjen e parë të Asamblesë Komunale të Fëmijëve.
Mbledhjen e hapi Kryetarja e Asamblesë komunale të fëmijëve Elda Kallaba ku ndër të tjerat përshëndeti të gjithë asambleistët dhe të pranishmit duke thënë se 1 Qershori shërben për të sensibilizuar dhe për t’i thënë jo dhunës dhe abuzimit ndaj fëmijëve.
“Është dita kur vetë fëmijët ngrenë zërin për të drejtat e tyre, por në ndryshim nga të rriturit, protesta e tyre bëhet me lojëra festive” ka thënë ajo. Më pas u prezantua rendini ditës
Ajo ndër të tjera ka prezantuar edhe rendin e ditës së kësaj mbledhje.
Drejtori i Drejtorisë Komunale të Arsimit, Afrim Dervishi, duke përshëndetur fëmijët në këtë Asamble, u uroi atyre 1 Qershorin. Ai ka treguar përkushtimin e qeverisjes komunale për fëmijët duke thënë se janë të duke punuar në pasurimin e jetes shkollore me aktivitete të ndryshme.
“Fëmijët tanë të bukur e të shëndetshëm na e bëjnë festë çdo ditë të jetës sonë. Fëmijët janë lule nga parajsa. Le ta bëjmë këtë botë një vend të sigurt dhe të këndshëm për ta”, ishte mesazhi Drejtorit në emër të kryetarit të Komunës.
Ndërsa Koordinatorja e NJKDNJ-së, Nazmije Demolli Kastrati, ka preznatuar videon lidhur me Ligjin për Mbrojtjen e Fëmijës, të titulluar “Unë kam një Ligj që më Mbron”
Ajo theksoi se ky ky videospot është krijuar me qëllim që të ju ndihmojë fëmijëve të mësojnë për të drejtat dhe përgjegjësitë e tyre si qytetarë të vendit tonë.
“Përderisa fëmijët mësojnë për të drejtat e tyre, kjo i ndihmon të jenë më të vetëdijshëm se si shoqëria e vendit tonë duhet të siguroj një mjedis ku fëmijët rriten të shëndetshem, të sigurtë dhe trajtohen në mënyrë të barabartë. Teksti i videospotit është përpiluar nga Save the Children Kosova në bashkëpunim me Zyrën për Qeverisje të Mirë-Zyra e Kryeministrit në Kosovë (Office for Good Governance- Office of the Prime Minister in Kosova) dhe Ministria e Arsimit, Shkencës, Teknologjisë dhe Inovacionit”, ka thënë ajo.
Në këtë Asamble me shumicë votash u aprovua edhe Plani një vjeçar i Punës së Kuvendit të Asamblesë së Fëmijëve.
Në fjalën përmbyllëse të kësaj seance Kryetarja e Asamblesë u bëri thirrje të gjithë fëmijëve që ta shfrytëzojnë të drejtën e shkollimit meqë kjo e drejt është falas.
“Meqë njëra ndër të drejtat themelore të fëmijëve është shkollimi falas, unë sot këtu, në këtë seancë solemne ju bëj thirrje që ta shfrytëzojmë dhe respektojmë këtë të drejtë duke mësuar sa më shumë, duke arritur rezultate sa më të larta në mësime dhe ta zhvillojmë e ndërtojmë shtetin tonë. Me kaq e mbyllim këtë seancë solemne”, ka thënë ajo.
Ndër të tjera me rastin e 1 Qershorit u bënë edhe disa aktivitete të fëmijëve në shesh të cilat I dhanë atmosëferë feste kësaj dite. Poashtu nxënësit e të gjitha shkollave fillore dhe të mesme të Komunës së Kamenicës performuan në skenën e Shtëpisë së Kulturës “Isa Kastrati”. /2LONLINE/
