Me rastin e ndarjes nga jeta të organizatorit të Teatrit të Gjilanit, Raif Haziri, kryetari i Komunës së Gjilanit, Lutfi Haziri, i ka dërguar një telegram ngushëllimi familjes së tij.
Në telegram, thuhet:
“E nderuara familje Haziri,
Me pikëllim të thellë e mora lajmin për ndarjen e papritur nga jeta të organizatorit të Teatrit të Gjilanit, Raif Haziri.
Kjo është një humbje e madhe për këtë institucion të kulturës, pasi Raifi punoi me përkushtim të jashtëzakonshëm për katër dekada, si aktor, organizator e inspicient i Teatrit të Gjilanit, deri në frymën e fundit.
Ngushëllimet më të sinqerta familjes Haziri, shokëve, kolegëve e komunitetit artistik.
Lamtumirë, miku im i shtrenjtë!”, thuhet në telegram. /2LONLINE.com/
