Gjykata në Colmar të Francës ka marrë vendim qe ta le të lirë dhe të kthehet në Kosovës, ish kryeministri i Kosovës, Ramush Haradinaj.
Haradinaj pritet të kthehet sot në vend.
Lideri i AAK-së, ishte ndaluar në aerporotin e Bazelit më 4 janar mbi bazën e një flet arresti serb.
Kreu i Aleancës për Ardhmërinë e Kosovës, Ramush Haradinaj ka folur pas vendimit të Gjykatës në Colmar.
“Qe nga tani jam i lirë, shkoj me marrë pasaporten në Strasburg. Po shpresoj sot do të kthehem në Kosovë. Janë humbë katë rmuaj kohë është e cmushme”, ka thënë Haradinaj pas vendimit të Gjykatës në Colmar.
Presidenti i Kosovës, Hashim Thaçi ka përshendetur vendimin e Gjykatës së Colmarit për lirimin e Ramush Haradinajt.
Postimi i tij:
Vendimi i Gjykatës së Colmar, që z. Haradinaj të kthehet në Kosovë është lajm i mirë për familjen Haradinaj, për bashkëpunëtorët e tij dhe gjithë Kosovën.
Edhe një herë u vërtetua që shpifjet e shërbimeve serbe kundër Ushtrisë Çlirimtare të Kosovës janë të paqëndrueshme dhe nuk përfillen nga bota demokratike. HTH
Shefi i grupit parlamentar të AAK-së, Pal Lekaj ka thënë se lirimi i Ramush Haradinaj është gëzim për të gjithë shqiptarët.
Lekaj ka thënë se ata kanë besuar gjithmonë se drejtësia në këtë rast do të triumfoj…
Ministri i Punëve të Jashtme, Enver Hoxhaj thotë se vendimi për lirimin e Ramush Haradinajt është një lajm i jashtëzakonshëm këtë mëngjes.
Ja postimi:
Një lajm i jashtëzakonshëm këtë mëngjes. Më në fund gjykata e Colmarit ka vërtetuar ato qe ne në Kosovë i kemi pasur të qarta nga fillimi, që Ramush Haradinaj është i pafajshëm dhe duhet të lirohet për t’iu bashkuar familjes, qytetarëve dhe Kosovës. Mirënjohje shtetit të Francës dhe diplomatëve të Kosovës për angazhimin. Urime!
“Mirësevjen Ramush! Urime familjes dhe gjithë shqiptarëve”, ka shkruar në profilin e tij në Facebook edhe Fatmir Limaj, kryetar i Nismës për Kosovën, Fatmir Limaj…
Edhe Presidenti i Aleanca Kosova e Re, Behgjet Pacolli, ka uruar lirimin e liderit të AAK-së, Ramush Haradinajt.
“Urime Ramush, urime Kosovë! Drejtësia sot ka folur. Të presim”, ka shkruar pacolli ne profilin e tij.
