Letër maturantëve!

Nazim Gagica, drejtor i Drejtorisë Komunale të Arsimit (DKA) në Gjilan iu është drejtuar me një letër maturantëve duke ua uruar maturë.

***
Të dashur Maturantë!

Në rrethana të pazakonta ju po e mbyllni një cikël shkollimi. Të rrezikuar nga Covid 19 dhe të brengosur për më të dashurit tuaj, ju nuk u qeshi fati të ecnit rrugës së zakonshme të Maturës dhe të përjetoni gëzimin e të qenit MATURANTË.

Sigurisht, edhe ne do të ishim bashkë me ju në këto fundfesta të zakonshme të Maturës, duke u gëzuar me ju teksa shijoni fundin e një faze; ndarjen nga një botë dhe hapin me plot pasiguri në një botë të re; teksa projektoni të ardhmen, përqafoheni me lot gëzimi për rritën e lot pikëllimi për ndarjen.

Edhe ne do të donim t’i shihnim festat, lotët, gëzimin, përqafimet dhe ëndrrat tuaja në këtë Maturë tuajën.
Megjithkëtë, ju tashmë jeni të rritur dhe i kuptoni ligjësitë e jetës, edhe faktet kur kërcënohet ajo.

Ju tashmë do të hyni në një botë tjetër; në botën e të rriturve, dhe besoj tashmë keni projektuar shtigjet nga do të shkelni. Nuk do të jetë e lehtë aspak sepse e tillë është bukuria e të jetuarit, po unë shpreh besimin se ju tashmë jeni të përgatitur për të vazhduar para. Besoj shumë se bashkarisht ia kemi dalur këto vite. Ju na keni gëzuar e kënaqur me sukseset tuaja e ne jemi përpjekur t’ju drejtojmë drejt të tjera sukseseve. Besoj t’ia kemi dalur.

Të dashur Maturantë!

Më lejoni që duke iu uruar për Maturën t’ ju shpreh gjithë admirimin tim, gjithë besimin, dëshirat më të mira dhe më të mirin fat për secilin prej jush. Më lejoni gjithashtu të falënderoj edhe pedagogët tuaj e kujdestarët e klasëve për gjithë përkushtimin në këto vite që ju të jeni këta që jeni.

Edhe një detyrë të përbashkët do ta kemi – Testin e Maturës. Unë besoj shumë se do t’ia dilni, pavarësisht se muajt e fundit ishin shumë sfidues në të gjitha drejtimet.

Të dashur Maturantë!

Ju faleminderit për gëzimet e qeshjet tuaja; ju faleminderit për sukseset e përpjekjet; ju faleminderit për çastet plot lumturi e çastet sfiduese. I faleminderit Zotit që jeni këta që jeni.

Paçit bekimin e Zotit në rrugëtimin tuaj më tej ashtu siç keni gjithë̈ besimin e dashurinë̈ tonë. Ju priftë̈ e mbara e fatbardhësia e sukseset ju përcjellshin kudo.

Gëzuar Maturën!
Zoti ju bekoftë!

Letër maturantëve!

Nazim Gagica, drejtor i Drejtorisë Komunale të Arsimit (DKA) në Gjilan iu është drejtuar me një letër maturantëve duke ua uruar maturë.

Sun Garden Events

Zëvendësministri i Mbrojtjes, Shemsi Syla u takua me Kryeshefin Ekzekutiv të KOSTT-it,

Hidromorava: Paguaj faturën e ujit në pikat e Postës së Kosovës!

FSK dhe FARSH realizuan ushtrimin e përbashkët fushor

Komuna me aktivitete të shumta për Ditën e Flamurit

Rektori i UKZ-së priti në takim Komandantin e KFOR-it Turk në Gjilan

Gagica: Jeta dhe vepra e profesor Ahmetit, shtytje për brezat e rinj për të punuar e mobilizuar për lirinë e Kosovës

Arrestohet një i dyshuar i kërkuar me urdhër-arrest ndërkombëtar të lëshuar nga Turqia

Në sheshin e Kamenicës do të zbulohet shtatorja e Metush Krasniqit

Ligjëratë për siguri në trafik