Kryetari i Komunës së Kamenicës, Kadri Rahimaj, ka pritur në takim investitorët zviceranë, Oliver Fiechter dhe Georg von Waldenfels.
Në këtë takim është diskutuar për mundësi të investimit nga investitorët në Komunën e Kamenicës.
I pari i komunës ka thënë se projektet inovatore të cilat u janë preznatuar në këtë takim janë të rëndësishme për komunën.
“Sot prita në takim z. Oliver Fiechter dhe z. Georg von Waldenfels. Të dy këta investitorë zviceranë me emër, në tregun në të cilin bëjnë pjesë. Bashkë me ta në takim ishte i pranishëm edhe Këshilltari i Zv.Kryeministrit Bislimi, z. Bejtush Fetija.
Diskutuam për bashkëpunime konkrete si dhe mundësi të investimit nga ana e tyre në Komunën e Kamenicës. Projektet inovatore të tilla, të cilat na u prezantuan ne sot, janë të rëndësishme edhe për komunën tonë si nisje, për të vazhduar më pas edhe si investime jo vetëm për Kosovë por edhe për rajon.
Shpreha gatishmërinë, që si komunë jemi të hapur për bashkëpunim si dhe për ide e nisma të tilla”, ka thënë ai.
