Kryetari i Komunës së Vitisë, Sokol Haliti ka vazhduar të dal në teren për të parë nga afër disa nga projektet që po realizohen në lokalitetet e ndryshme të kësaj komune.
Me këtë rast ai ka parë nga afër punimet që po zhvillohen në zgjerimin e urës në fshatin Sllatinë të Epërme, në rregullimin e rrjetit të kanalizimit në fshatin Ballancë si dhe punimet që po bëhen në asfaltimin e rrugës “Xheladini” në fshatin Sadovinë e Çerkezve që lidhë këtë lokalitet me fshatin Tërestenik.
Gjithashtu Kryetari Haliti ka vizituar edhe Pozheranin ku pa nga afër rrugën bujqësore të sapo shtruar me zhavorr prej rrugës kryesore në afërsi të Fabrikës së Miellit që gjendet në lagjen “Lubishtani”.
