Kryetari i komunës së Vitisë, Sokol Haliti, është nderuar sot me mirënjohje nga Radio Kosova e Lirë.
Me këtë rast ai u shpreh se është ndjenjë e veçantë të nderohet me mirënjohje nga një institucion medial si është kjo radio.
“Sot me të vërtetë ndihem shumë i nderuar të pranoj një mirënjohje nga Radio Kosova e Lirë, konkretisht nga një institucion medial që ka kontribuar shumë në informimin publik të Kosovës, në veçanti në periudhat më të vështira që është përballur vendi i ynë”, u shpreh kryetari Haliti, duke e cilësuar lartë kontributin e Radio Kosovës së Lirë në informim publik dhe në përhapjen e informacioneve në periudha të ndryshme historike të shtet formimit, shtet ndërtimit deri në ditët e sotme.
Përndryshe në emër të Radio Kosovës së Lirë, mirënjohjen ja dorëzoj kryetarit Haliti znj. Arbana Qeriqi. /2LONLINE/
