Federata e Tenisit e Kosovës për herë të parë ka fituar të drejtën për të organizuar turneun e Federatës Evropiane të Tenisit në Kosovë, i cili mbahet për kategorinë e tretë të grupmoshës U-16.
Federata Evropiane e Tenisit përmes faqes zyrtare në Twitter, ka konfirmuar mbajtjen e këtij turneu në vendin tonë. Turneu do të mbahet prej 2-8 shtator në Brestovik të Pejës.
Komiteti Olimpik i Kosovës përgëzon Federatën e Tenisit të Kosovës për besimin që i është dhënë në organizimin e këtij turneu.
