Komuna e Gjilanit në kuadër të angazhimeve të përditshme për investime në infrastrukturë publike, ujësjellës, kanalizim, trotuare, gjelbrim, ndriçim publik, ka përfunduar asfaltimin e disa rrugëve në lagjen “Arbëria”, saktësishtë rrugët “Hysen Tërpeza” dhe do të asfaltohen të gjitha të tjerat për ta përmbyllur plotësisht nevojën e kësaj lagjeje për asfaltim.
Drejtori i Shërbimeve Publike Infrastrukturës dhe Banimit, Naser Korça, ka thënë se janë të kontrakruara të gjitha rrugët në lagjen “Arbëria” dhe procesi i asfaltimeve do të përfundoj brenda një muaji.
“Deri më tani janë asfalltuar më shumë se gjysma e tyre dhe mbrenda një muaji do të kryhen të gjitha. Në këtë fazë kemi përmbyllur asfaltimin e rrugëve “Hysen Tërpeza”. Me dinamikë maksimale po punojmë që ta shfrytëzojmë periudhën sa është koha e mirë për ti asfaltuar rrugët që i kemi të parapara me buxhetin e Komunës dhe ato që janë në bashkfinancim me qeverinë për Komunën e Gjilanit”, ka thënë drejtori Korça.
Ai ka konfirmuar gjithashtu se me mbështetjen e vazhdueshme të kryetarit Lutfi Haziri, do të punojnë në të gjitha lagjet, ku janë inicuar procedurat e prokurimit dhe do të vazhdojnë edhe me procedimin e të gjitha rrugëve të cilat janë planifikuar në programin për investimet kapitale për vitin 2019.
