Komuna e Vitisë në bashkëpunim me komunën e Kllokot zhvilluan aktivitet të përbashkët në kuadër të muajit tetor të njohur si “Muaji i ndërgjegjësimit në luftën kundër kancerit të gjirit”.
Komuna e Vitisë , konkretisht Qendra Kryesore e Mjekësisë Familjare në Viti, në bashkëpunim me Komunën e Kllokotit sot kanë realizuar një aktivitet të përbashkët në kuadër të muajit tetor ” Muaji i Ndërgjegjësimit në luftë kundër Kancerit të Gjirit”.
Me këtë rast QKMF-ja e Vitisë nën përkrahjen e dr. Nazim Dautit -radiolog ka bërë ultrazërin falas 15 grave, përfshirë edhe gra të komunitetit serb të Komunës së Kllokotit.
Bëhet me dije se ky aktivitet është realizuar me nismën e nënkryetares së Komunës së Kllokotit, znj. Selvije Rexhepi në bashkëpunim dhe përkrahjen e dr. Vjollca Kadolli-Halili, drejtoreshë e QKMF-së në Viti. z
Zv.kryetarja e komunës së Kllokotit, znj. Rexhepi falënderoi institucionet komunale të Vitisë, të cilat sipas saj vazhdimisht përkrahin komunën e Kllokotit në shërbimet që iu mungojnë, veçanërisht në shëndetësi.
Përndryshe aktivitetin e përbashkët e ka mirëpritur edhe Drejtoresha e Shëndetësisë në Viti, Hanife Januzi, e cila premtoi që shëndetësia në Viti, sipas mundësive gjithmonë do të jetë në mbështetje të Komunës së Kllokotit.
